雯雯遭業主反口入伙日臨時拒租 禍不單行三個仔睇急症病極唔好

歌手張致恒與太太區燕雯（雯雯）關係撲朔迷離，後者直斥老公「又懶又廢」，又揚言離婚。雯雯為了三個兒子，自己搞生意做寵物零食及賣進口童裝。而最近雯雯就為了搬屋一事而「頻撲」，爆出前業主臨時反口拒租單位的劣行！

同場加映：

法言人丨黃嘉樂唔續約TVB老友勁擔心 婚姻出現「小三」強調最愛老婆

{{hket:ul-video id="8158"}}{{/hket:ul-video}}

雯雯昨晚於IG出post，表示呢個幾星期嘅經歷就好似坐過山車一樣：「租咗屋簽哂約，大搬嗰日，已經搬哂嘢過去...當晚同我講唔租畀我。當晚佢三個仲要病得好犀利發高燒，第二日即刻租咗第二個地方，叫做錯有錯着，個地方好舒服，所有嘅人同業主都好好。前日三個一齊去急症，病極都唔好，今日終於到我大病，佢哋三個又持續發燒...我相信新地方會帶來好運，我堅持同努力，成家病埋呢一場，之後一定會好！」

{{hket:inline-image name="345218084_956513762200200_2025707295662106365_n.jpg"}}{{/hket:inline-image}}

她又多謝曾經幫過她的所有人：「喺呢件搬屋事件上面，真心好多謝出心出力幫助同陪伴我哋嘅人，如果唔係所有屋企嘅嘢同埋狗仔都唔知可以去邊。每發生一件事，都會成長同上一課，包括今次咁大件事。我對好多事情都有唔同睇法。」

不少網友都為雯雯抱不平，直斥該名業主無良︰「簽哂約唔租，佢應該要賠錢」、「個業主勁衰囉，點解要搬哂過去先唔租」、「邊個業主咁衰？等佢之後都租唔出」。亦有人鼓勵雯雯，之後的日子會越來越好︰「好驚險，好彩揾到更好嘅地方住」、「過後一定會很好」、「你要加油，期待將來你同小朋友都有好嘅生活」、「為母則強」、「會越嚟越好，加油」、「雯雯你真係好叻，照顧三個小朋友連狗狗仲要煩埋搬屋，希望你可以休息夠，太攰要識繼續揾人幫手呀」。

雯雯再放負疑埋怨張致恒突提自殺 「我死咗一定係你逼死我」【下一頁】

撰文︰娛樂組